Բյուրականի աստղադիտարանում կանցկացվի «Ակտիվ գալակտիկաներ և քվազարներ» խորագրով միջազգային կոնֆերանս՝ նվիրված Մ. Առաքելյանի 90-ամյակին
Սեպտեմբերի 9-10 ՀՀ ԳԱԱ Վ. Համբարձումյանի անվան Բյուրականի աստղադիտարանում կանցկացվի «Ակտիվ գալակտիկաներ և քվազարներ» խորագրով միջազգային կոնֆերանս՝ նվիրված Մ. Առաքելյանի 90-ամյակին։
Կոնֆերանսի շրջանակներում կքննարկվեն հետևյալ թեմաները․
- Ակտիվ գալակտիկաներ՝ հայտնաբերման և ուսումնասիրության պատմություն
- Ակտիվ գալակտիկաների շրջահայություններ
- Ակտիվ գալակտիկաներ և քվազարներ ենթակարմիր/ենթամիլիմետրանոց շրջահայություններից
- Ակտիվ գալակտիկաներ և քվազարներ ռադիո/միլիմետրանոց շրջահայություններից
- Ակտիվ գալակտիկաներ և քվազարներ ռենտգենյան/գամմա-ալիքային շրջահայություններից
- Բազմաալիքային շրջահայություններ
- Ակտիվ գալակտիկական միջուկների (ԱԳՄ) միասնական և այլ մոդելներ
- Եզակի ԱԳՄ-ների ուսումնասիրություն, ԱԳՄ-ների փոփոխականությունը և ակտիվության երևույթը
- Ապագայի խոշոր նախագծեր
Կոնֆերանսի կազմակերպիչներն ու հովանավորներն են ՀՀ ԳԱԱ Վ. Համբարձումյանի անվան Բյուրականի աստղադիտարանը, ՀՀ ԳԱԱ-ն, ՄԱՄ Հարավարևմտյան և Կենտրոնական Ասիայի աստղագիտության զարգացման տարածաշրջանային կենտրոնը, Հայկական աստղագիտական ընկերությունը, ՀՀ Կրթության, գիտության, մշակույթի և սպորտի նախարարությունը և Հայկական վիրտուալ աստղադիտարանը:
Հետևի՛ր մեզ քեզ հարմար սոցիալական ցանցում