ՀՀ-ում վարակվածներից 5-ի վիճակը ծայրահեղ ծանր է․ Արսեն Թորոսյան
Առողջապահության նախարար Արսեն Թորոսյանը հայտարարել է, որ ՀՀ-ում կորոնավիրուսով վարակված 5 ծայրահեղ ծանր պացինետ կա, նրանց բոլորին արհեստական շնչառության սարքեր են միացված։
Նախարարը նշել է, որ այդ պացիենտներից 4-ը տարեցներ են, ունեն ուղեկցող հիվանդություններ, միայն մեկն է երիտասարդ։ Վերջինիս հիվանդությունների շրջանակը պարզվում է, հիվանդն ատիպիկ թոքաբորբ է տանում։
Նախարարը հայտնել է, որ այս պահին ՀՀ-ում առանձին մոբիլիզացված 55 սարք կա, դրանցից օգտագործվում են 5-ը։ Սարքերի թիվը կմեծանա Սբ Գրիգոր Լուսավորիչ հիվանդանոցի՝ կորոնավիրուսի դեմ պայքարին ներգրավվելուց հետո, այնտեղ կա ևս 20 սարք։
Թորոսյանը նշել է, որ Չինաստանից հատուկ չվերթով մոտ 100 տեսակի սարք է ՀՀ գալու, ևս 50 սարք պատվիրվել է։
Հետևի՛ր մեզ քեզ հարմար սոցիալական ցանցում