Հունիսի 1-ից Սոչիի առողջարանները կարող են բացվել
ՌԴ Կրասնոդարի երկրամասի սևծովյան հանգստավայրերը կսկսեն աստիճանաբար բացվել զբոսաշրջիկների համար։ Սոչիում հունիս 1-ից կչեղարկեն անցաթղթերը և կսկսեն աշխատել բժշկական արտոնագիր ունեցող սանատորիաները։
Այնուհետև, երբ կորոնավիրուսի պանդեմիայի հետ կապված վիճակը կայունանա, կբացվեն նաև հյուրանոցները։ Այս մասին գրում է Gazeta.ru-ն։
«Հանգստացողները պետք է հիշեն, որ բուժման են մեկնում, ոչ թե հանգստի։ Լողափերն ու հասարակական վայրերը փակ կլինեն։
Զբոսաշրջիկները կլինեն միայն առողջարանների տարածքում»,- ասել է երկրամասի նահանգապետ Վենիամին Կոնդրատևը։
Նա հավելել է, որ ռեժիմի պահպանման պատասխանատվությունը կրելու է առողջարանը։
Հետևի՛ր մեզ քեզ հարմար սոցիալական ցանցում