Ազգային ժողովն արտահերթ նիստում առաջին ընթերցմամբ ընդունել է բաց տարածքներում դիմակ չունենալու համար 10,000 դրամ տուգանք սահմանող նախագիծը։ Առաջարկը ներկայացրել էր կառավարությունը։

Արդարադատության փոխնախարար Վահե Դանիելյանը պարզաբանել է, որ բաց տարածքում կա դիմակի առկայության, ոչ թե կրելու պահանջ։ Ըստ նրա՝ դիմակի առկայությունը ենթադրում է, որ փակ տարածք մտնելիս քաղաքացին ունի դիմակ ու կարող է այն օգտագործել։

Փակ տարածքում հաճախորդի մոտ դիմակի բացակայության համար պատասխանատվություն է կրում տնտեսվարող սուբյեկտը։

Փոխնախարարը նշել է, որ բաց տարածքներում ձեռնոց կրելու պարտադիր պահանջ ևս չկա։