Արցախի պաշտպանության բանակում տեղական արտադրության հարվածային անօդաչու թռչող սարք են փորձարկել
Մայիսի 19-ին Արցախի «Տիգրանակերտ» զորավարժարանում փորձարկման եզրափակիչ փուլը հաջողությամբ հաղթահարել է Արցախի հանրապետության և ՊԲ-ի համապատասխան մասնագետների կողմից նախագծված ու արդիականացված հարվածային անօդաչու թռչող սարքը:
Այն գործում է տեղորոշման տարբեր տեխնիկական միջոցներից անկախ, ունի խուսավարման ու կրակային խոցման բարձր հնարավորություններ, տեխնիկական բնութագրերով չի զիջում առաջատար երկրների նմանատիպ սարքերին և կառավարվում է հեշտությամբ:
Առաջիկա ամիսներին հարվածային անօդաչու թռչող սարքերը կմտնեն սերիական արտադրության փուլ և իրենց լիարժեք տեղը կզբաղեցնեն ԱՀ պաշտպանական համակարգում:
ՀՀ վարչապետ Նիկոլ Փաշինյանը հայկական արտադրության հարվածային անաօդաչուների գործողության տեսագրություն է հրապարակել:
«Հարվածային անօդաչուների տեղական թողարկում Արցախում»,-ասվում է գրառման մեջ։