Հայաստանի հեռահաղորդակցության առաջատար օպերատոր և թվային ծառայություններ մատուցող Վիվա-ՄՏՍ-ը հուլիսի 1-ին տոնում է գործունեության 15-ամյակը:

Տարեդարձին նվիրված՝ ընկերությունն իր ֆեյսբուքյան հարթակում կհեռարձակի տոնական համերգ՝ սիրված հայ աստղերի կատարումներով: Այս բացառիկ տոնական համերգի ընթացքում ուղիղ հեռարձակմամբ ելույթ կունենան NEMRA-ն, Անուշիկ Ալավերդյանը, Սոֆի Մխեյանը, Արամ MP3-ն, Project LA-ն, «Ռեինկարնացիան», Գարիկը և Սոնան:

Երաժիշտները ելույթ կունենան հուլիսի 1-ին՝ ժամը 19:00-ին, Վիվա-ՄՏՍ-ի պաշտոնական ֆեյսբուքյան էջի ուղիղ եթերում: