Ոստիկանությունը հանգստյան օրերին խստացված ծառայություն կիրականացնի տեսարժան վայրերում
Քանի որ հանգստյան օրերը շատերն են որոշում անցկացնել ընկերների ու հարազատների հետ, այցելել տեսարժան վայրեր, մասնակցել ուխտագնացությունների կամ քաղաքից դուրս կազմակերպել, այսպես ասած՝ պիկնիկներ, ոստիկանությունը որոշել է իր կարգախմբերով խստացված արտակարգ ծառայություն իրականացնել տեսարժան վայրերում, ուխտատեղիներում, հնարավոր հավաքույթների վայրերում։
«Բացառվելու են կարգի խախտումները, իսկ հայտնաբերվելիս կհետևեն իրավական հետևանքներ։
Բոլորիս առողջության անվտանգությունից ելնելով՝ ոստիկանությունը կոչ է անում զերծ մնալ մասսայական միջոցառումների կազմակերպումից և մասնակցելուց»,- ասված է ոստիկանության տարածած հաղորդագրության մեջ։
Հետևի՛ր մեզ քեզ հարմար սոցիալական ցանցում