«Գագիկ Ծառուկյան» բարեգործական հիմնադրամը ֆինանսական միջոցներ կհատկացնի Բեյրութում աղետից տուժած հայրենակիցներին, համայնքային կառույցներին և Մեծի Տանն Կիլիկիո կաթողիկոսությանը: Այդ մասին «Բարգավաճ Հայաստան» կուսակցության նախագահ Գագիկ Ծառուկյանը տեղեկացրել է կաթողիկոս Արամ Առաջինին՝ հեռախոսազրույցում։

ԲՀԿ նախագահն իր ցավակցությունն է հայտնել հզոր պայթյունների հետևանքով լիբանանահայ հայրենակիցների մահվան կապակցությամբ: Նա Արամ Առաջինին հայտնել է իր անվերապահ զորակցությունը՝ հավելելով, որ միջոցները կհատկացվեն անհապաղ՝ օգոստոսի 5-ին։